"Кенгуру-математика барлығы ұшің"

Дарынды мектеп оқушыларын анықтау, математикалық сауаттылығын арттыру және ғылым негіздері бойынша олардың білімдерін тереңдету мақсатында Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы» РМҚК 2023 жылғы 26-30 қыркүйек аралығында «Кенгуру – математика барлығы үшін» халықаралық ойын конкурсын өткізеді (бұдан әрі – Конкурс)
Конкурстың Ережесі www.daryn.kz сайтында орналастырылған.

Бұл Конкурс Қазақстан Республикасы Оқу-ағарту министрінің бұйрығымен бекітілген тізбеге енгізілген.

Конкурсқа Қазақстан Республикасы білім беру ұйымдарының 2-11 сынып оқушылары қатыса алады. 2-4 сыныптарға арналған тапсырмалардағы сұрақтар саны 24, ал 5-11 сыныптарға арналған тапсырмалар саны 30 сұрақ
Конкурсқа қатысу ерікті түрде жүргізіледі.

Конкурсқа қатысу үшін ниет білдірген оқушылар https://games.daryn.kz/ сайтында 24 қыркүйекке дейін (қоса алғанда) тіркеуден өтулері қажет. Көрсетілген сайтта тіркелу барысында әрбір қатысушы өзінің жеке электрондық поштасын ғана қолдануы қажет.

Конкурстың басталуы ағымдағы жылдың 26 қыркүйегінде Астана уақыты бойынша сағат 09:00-де, ал аяқталуы 30 қыркүйек күні сағат 24:00-де. Қатысушылар Конкурс тапсырмаларын көрсетілген мерзім аралығында өздеріне ыңғайлы кез келген уақытта орындай алады.
Конкурстың қорытындысы бойынша қатысушылар «Дарын» РҒПО-ның I, II, III дәрежелі дипломдары және сертификаттарымен марапатталады. Қорытынды нәтижелер 2023 жылғы 4 қазанда әлеуметтік желілерімізде жарияланады.